雪

雪是该段辰光，

苏州人一直谈论个话题。

伲邀请仔大家来，

读读搭雪有关个古诗，

讲讲自家搭雪个故事。

忆庭

夜雪

唐·白居易

已讶衾枕冷，复见窗户明。

夜深知雪重，时闻折竹声。

       “我现在正在南京读大学，半年多没回家，一整个月的专业课考试刚结束，之后去哪个医院见习也公布了，才安下了一颗心。转头看到窗外的雪真是思绪万千，南京的雪比苏州的雪气势有余，精巧不足，故此朗诵一首《夜雪》，寄上一份乡情。”

佐为

问刘十九

唐·白居易

绿蚁新醅酒，红泥小火炉。
晚来天欲雪，能饮一杯无？

       风雪纷飞簌簌落，最喜欢冬季，便是因为雪，可惜在南方的确不多见。于是这久违的精灵，便诗意了姑苏。素雅之下，却平生出些豪气来，胸中豪迈，不必金戈铁马，那便恣意诗酒。微醺逢故交，无须寒暄，直言：能饮一杯无？

冻煞

囡囡哉

T_T

予安

       小辰光苏州一径落雪个，一落雪，我就拿我点孛相家事拿出来。好婆么，帮我拿点雪，放勒煤炉浪向烧烊脱，再倒勒我个小水壶里向，假花头吃茶。

       有转巴呢，为仔 “茶” 里向有 “味道” ，伲还特为采仔点腊梅笃进去，香一香，倒真个是 拾花酿春，烹雪煮茶。

      搿歇辰光雪落得大嘞，汏衣裳台子浪向积得来得个厚。舅舅呢，就搭我堆雪人，堆得比我还要大。我去门对过个煤场浪向，拾搿个煤渣当眼睛，好婆呢，再削根黄萝卜当个鼻头。漂亮得弗得了哦，隔壁个小囡侪眼热煞。

       现在个雪再也朆落得实梗大过，但不过一落雪，就想着该点事体，侪是童年啊。

小叶

      今年个场雪啊，大家晓得落得来得个大,可以讲是十年一遇。但不过搭十年前头搿场雪呢，赛过两样场化呢，是伲做好仔充足个准备来应对俚个，外加，赛过十年朆落得实梗大哉，大家侪蛮激动个。

      乃么今朝呢，我想搭大家分享个一桩事体呢，也就发生勒实梗个落雪天里向。大家晓得伲苏白学堂是语保志愿者团队，伲今年个几只语保视频搿个拍摄工作正巧就碰着仔个落大雪。唉，放寒假哉，伲几个人风风火火聚辣一淘，拍视频，我呢，是语保志愿者方面个负责人啦，乃么勒海拍我单独个镜头辰光，就刚巧是落仔大雪个明朝转来。我搭蔡老师对接，俚负责伲个摄影工作。乃么真真叫 吃素碰着月大 哉，蔡老师带仔两块电板，搿个老西北风一吹么，侪是萱萱红、萱萱红呀！伲两家头辣笃相门城墙上头，是笃笃转齐齐转，要寻搭好位场化是弗容易，电板呢，拍一歇焐一歇，焐一歇拍一歇。

       真家伙，还好，算拍结束该！

一尘

      大家好我是一尘。还记得08年落雪个辰光，我初中。搿歇辰光我还胖笃笃个，着仔一条橘红颜色个短羽绒服，围条黑围巾，搭屋里人一淘到园林里去白相，拍出来张手里拿仔雪球个照片，转去还用不熟练个PS技术拿一只小雪球P成仔有魔法的水晶球，现在回转头来想想么，哀个就是典型个“中二”行为哉。
      再讲我屋里养仔只狗，名字叫布丁，对个，就是搿个蛮好吃个奶油布丁个布丁。俚头一埭看见雪个辰光，搿个样子真个是有劲个，听我讲拨倷听。搿日搭是前一日落雪，第二日天，天好仔还有一点点太阳，早浪向我姆妈去放狗，布丁么，搿歇辰光年纪还小，从养出来到搿日之前，还从来㬟看见过雪勒，走出去一望，白茫茫一片，俚路阿不敢走，伸出来一只小脚爪在雪地上碰碰，轻轻叫个揿仔一朵梅花脚印，那么发现哀个白肤肤个物事么，好像呒不啥个问题哇，就是踏上去冷冰冰瀴荡荡个，还蛮好白相个，个么俚就一路开心个出去白相哉。哀个事体么，是我姆妈放好狗，转来告诉我听个。好婆晓得仔就讲，俚搿个么，就是典型个“落雪落雨狗欢喜”。
       今年落雪么，我就想起仔十年个事情，一想不对，哀个雪十年就落一埭，就算再怕冷我也不舍得错过个哇，那么我就急煞仔人个去联系仔qq好友里向，勒海本地个摄影师，去微博寻化妆师。因为我自家个化妆水平推板个，想要好好叫拍张照片就板要请人帮忙。总算约好仔辰光去拍照片，第二日天也是天公作美，一夜大雪过后整个苏州银装素裹，又正好是下雪几日天当中难得的一个多云天气，拍拍照片个辰光还出子点小太阳了，我真个是开心得弗得了。

小姐姐美照出炉~

冻煞

囡囡哉

T_T

小啦子：

该个落雪天里，阿有搭你共白头个人？

你发如雪 凄美了离别

我焚香感动了谁

邀明月 让回忆皎洁

爱在月光下完美

你发如雪 纷飞了眼泪

我等待苍老了谁

红尘醉 微醺的岁月

我用无悔 刻永世爱你的碑

  版 / 寒鸦    音 / 萝卜