方言与美食（视频）| 广府美食与岭南精神：及第粥有段古（广州话）
广府美食与岭南精神：及第粥有段古
▲跟着作者们去试试正宗的及第粥呀
△如果不方便观看视频 可以往下听音频、看文案哦
▼陆咏琪
[粤语]
及第粥系我哋广东传统美食之一，几乎每一间粤菜餐厅都可以品尝到。及第粥色白鲜明，米水交融，味鲜香厚，粥底绵滑。白米粥熬到米粒化晒，客人点单果阵，入煲仔煮滚，加埋瘦肉、猪润同猪粉肠，滚熟之后入个碗度，撒d花生米，切碎油炸鬼，同细碟鸡蛋上台。因为猪内脏又叫做“杂底”，讲得好听d就系“及第”，成为卖点。真系好好食嘎！
▼谭智雅、李昱潼
[粤语]
"哇！由细食到大嘅及第粥，依然咁好食喔！"
"系咯！加埋肠粉或者炒粉一齐，绝配啊！"
"Bella啊，我考下你啦，你知唔知点解及第粥要叫及第粥啊？"
"紧系知啦，及第粥同我哋广东最出名嘅状元，伦文叙有段故嘎嘛！"
"嗯！咁我哋食完之后一齐去探访下伦文叙嘅故事啦！"
▼刘思琪
[粤语]
伦文叙纪念广场位于广州市中山六路西门口地铁站B出口嘅东面，面积大约500平方米，仿照明代建筑风格，由明式牌坊、伦文叙花岗岩石雕人像、大理石雕刻壁画同埋铸铜鳌头四大景观组成；入边仲有状元府，畀市民参观了解伦文叙嘅生平轶事。
▼谭智雅、李昱潼
[粤语]
伦文叙，字伯畴，号迂冈，南海黎涌村，居于诗书街福地巷，为明代广东第一状元。其三个儿子亦先后考中进士。
"Bella啊，我听讲呢伦文叙细个果阵，因为家贫，成日要赚钱卖菜，唔记得食中午饭，有个粥铺老细见佢人仔细细，又咁醒目，就日日买佢一担菜，又叫佢将担菜送到粥铺畀佢啵。"
"系啊，果阵时伦文叙将菜送到粥铺，粥铺老细就将用剩嘅猪粉肠、猪润同埋猪肉丸生滚白粥，然后捞埋d姜葱一齐，免费请佢吃。"
"后来，伦文叙高中状元、衣锦还乡嘅时候，仲特登去探到粥铺老细，仲请老细再煮多次佢以前成日食嘅果种款粥啊。"
"本身呢只粥系无名嘅，而伦文叙就改佢叫做‘状元及第粥’，仲亲笔为粥铺写下牌匾，‘状元及第粥’仲喺珠三角地区及港澳地区流传开来添。"
"伦文叙嘅故事话畀我哋知：读书改变命运，激励咗好多人去拼搏同奋斗。"
▼刘思琪
为咗宣扬伦文叙嘅故事，令传统美德贴近现代人嘅生活，引起当代观众嘅情感共鸣同思考，粤剧电影《传奇状元伦文叙》走进电影院，并入围31届金鸡电影节最佳戏曲电影。电影当中虚实结合嘅拍摄手法同大量3D镜头嘅运用，成为咗其他戏曲电影借鉴嘅对象，创新嘅艺术手法吸引咗年轻一代嘅观众。
▼刘思琪
一碗小小嘅及第粥，包含佐人同人之间嘅互助互爱、真诚相待嘅相处之道；
▼陆咏琪
知恩图报嘅优秀品德；
▼谭智雅
勤奋务实嘅拼搏精神；
▼李昱潼
仲有传承同创新传统优秀文化嘅赤子之情。
▼刘思琪
呢d品德同精神值得我哋每一位年轻人将佢发扬光大！
文案/音频/视频/方言点
刘思琪-广州荔湾区
陆咏琪-佛山三水区
谭智雅-佛山南海区
李昱潼-佛山禅城区
图片
部分源自网络，侵删
▼往期精彩推荐
▼我们有话说
做语言资源保护公众号不容易，每天更新公众号更不容易，而每天提供新语料尤其不容易。很多读者还没养成打赏习惯，提倡每个月打赏一元钱，积少成多，我们的事业就有希望。谢谢各位！
本期小编 | 小 胡
本期责编丨王雅茜
责任总编 | 老 甘
投稿邮箱：jnufyzx@163.com