教师节特备节目 | 方言朗诵:记梁任公先生的一次演讲(信宜白话)
祝全天下的辛勤园丁们教师节快乐
您辛苦了
-
人物
-
梁启超
1873—1929
字卓如,号任公
又号饮冰室主人
中国近代思想家、政治家、教育家、史学家、
文学家
梁实秋
记梁任公先生的一次演讲
梁任公先生晚年冇谈论政治,专心学术。大概系民国十年左右,清华学校请佢做第一次嘅演讲,题目系《中国韵文里表现的情感》。我好幸运咁有机会听到个次动人嘅演讲。那阵时嘅青年学子,对梁任公先生怀住无限景仰,冇系因为佢系戊戌政变嘅主角,亦都冇系因为佢系云南起义嘅策划者,实在系因为佢嘅学术文章对于青年的确有启迪领导嘅作用。以前都有冇少显宦,同埋叱咤风云嘅人物,来校讲话。但系佢地冇能够留下深刻的印象。
任公先生个篇演讲稿,后尾收录在《饮冰室文集》里面。佢嘅演讲系提前写好嘅,整整齐齐咁写在大大嘅宣纸制嘅稿纸上边,佢嘅书法好秀丽,用浓墨写在宣纸上边,非常美观。但系读佢嘅篇文章同听佢嘅次演讲,其中趣味就差好远咧,就好似读剧本同睇戏完全冇同咁。
我记得清清楚楚,系一个风和日丽嘅下午,高等科楼上面嘅大教室坐满齐人,然之后走入来一位短小精悍头顶光光下巴阔阔嘅人物,着住肥大嘅长袍,行路稳健,英姿潇洒,左右顾盼,光芒四射,个位就系梁任公先生。
佢行上讲台,打开佢嘅讲稿,眼光向下面一扫,然之后系佢非常简短嘅开场白,得两句话,第一句系:“启超冇乜嘢学问——,”对眼向上一翻,轻轻点下头:“但系亦都有一点啰!”咁谦虚又咁自负嘅话系好少会听得到嘅。佢嘅广东官话好标准,同国语差好远,但系佢嘅声音沉稳有力,同时又洪亮激亢,所以我哋甚至思考如果佢讲标准国语,效果反而会差一点。
我记得佢一开头讲一首古诗,箜篌引:
公冇渡河。
公竟渡河!
渡河而死。
其奈公何!
个四句话,十六只字,经过佢一朗诵,再经过佢一解释,演绎出一场悲剧,其中有起承转合,有背景,有人物,有情感。我系听先生演讲大概廿几年后,偶然间有机会在茅津渡等船渡河。只见黄沙弥漫,黄流滚滚,景象苍茫,一下感到哀伤,霎时间回忆起先生讲嘅个首古诗。
先生博闻强记,除开写好嘅稿之外,随时可以引用好多作品,大多数佢都可以背出来。有时候背下背下,突然之间冇记得下面系乜嘢,就会用手指敲佢嘅光头,敲咗几下,又记起,一大段一大段咁背落去。佢敲头嘅时候,我哋气都冇喘,佢记起身,我哋又同佢一齐高兴。
先生嘅演讲,到紧张果度,就会变成表演。佢真系会比手画脚,有时揞面,有时dem地,有时狂笑,有时叹息。听佢讲佢最钟意嘅《桃花扇》,讲到“高皇帝,在九天”果一段,佢一下好难过,竟然哭到冇停得落。佢罗出手巾抹眼泪,听课呢冇知几多人都哭咗!又听佢讲杜甫讲到“剑外忽传收蓟北,初闻涕泪满衣裳……”,先生又真系会从痛哭变成开口大笑。
个次演讲分三次讲齐,每次讲开,先生都会出一身大汗,睇起身好开心。听过个次演讲嘅人,除开当时嘅感动之外,仲有好多人从此对中国文学产生强烈爱好。先生曾经讲自己“笔锋常带情感”,其实佢在言谈演讲之中所带嘅情感冇知强了几多倍!
有学问,有文采,有热心嘅学者,系呢个世上又有几多?于是我惗起以前嘅一段经历,记咗落来。
文字:梁实秋
诵读:萝卜
方言:广东信宜白话
编辑:阿嘎
审读:一博
责任总编:老甘
投稿邮箱:jnufyzx@163.com
推荐阅读
长按二维码关注我们